Tuesday 25 May 2021
វិសាលភាពនៃគោលបំណងកម្មវិធី
លើកកម្ពស់វិស័យកសិកម្មអោយមានភាពធន់ទ្រាំ និងភាពប្រកួតប្រជែងខ្ពស់ សម្រាប់ការអភិវឌ្ឍដែលមានលក្ខណៈបរិយាប័ន
ការអភិវឌ្ឍប្រព័ន្ធធារាសាស្រ្តកសិកម្មដែលអាចផ្តល់ផលចំណេញ
ហេដ្ឋារចនាសម្ព័ន្ធធារាសាស្ត្រដែលទំនើប និងមានតម្លៃសមរម្យ គឺពិតជាសំខាន់ណាស់ចំពោះវិស័យកសិកម្មដែលអាចផ្តល់ផលចំណេញ។ នៅក្នុងដំណាក់កាលទី២នេះ កម្មវិធីកាវ៉ាក់បានសង់ប្រឡាយចំនួន១០ នៅក្នុងខេត្តកណ្ដាល ខេត្តព្រៃវែង និងខេត្តតាកែវ។
ការបង្កើនសមត្ថភាពប្រកួតប្រជែងក្នុងវិស័យកសិកម្ម
វិស័យកសិកម្មបន្តដើរតួនាទីសំខាន់ក្នុងការទ្រទ្រង់ស្ថេរភាពជីវភាពរស់នៅរបស់ប្រជាជនកម្ពុជា និងចូលរួមចំណែកយ៉ាងសំខាន់ដល់កំណើនសេដ្ឋកិច្ចជាតិ ដូចនេះ វិស័យកសិកម្មគឺចាំបាច់ត្រូវ មានសមត្ថភាពប្រកួតប្រជែងខ្ពស់ ទាំងនៅលើទីផ្សារក្នុង និងអន្តរជាតិ ។ កម្មវិធីកាវ៉ាក់កំពុងគាំទ្ររាជរដ្ឋាភិបាលកម្ពុជា សម្រេចគោលដៅនេះ តាមរយៈការជួយគាំទ្រវិស័យនេះ អាចផលិតនូវផលិតផលកសិកម្មដែលកាន់តែមានគុណភាព និងតម្លៃខ្ពស់ និងជួយជ្រោមជ្រែងដៃគូនៅក្នុងវិស័យសាធារណៈរបស់ខ្លួន សម្រាប់ផ្ដល់នូវបរិយាកាសមួយដែលជំរុញឱ្យមានសមត្ថភាពប្រកួតប្រជែងក្នុងវិស័យកសិកម្ម។
